Қишлоқ хўжалиги Ўзбекистон иқтисодиётининг муҳим тармоқларидан бири бўлиб, мамлакатимиз ялпи ички маҳсулотининг деярли 18,2 фоизи, меҳнатда банд бўлганларнинг 30 фоизга яқини агросаноат мажмуаси ҳиссасига тўғри келади, шунингдек, аҳолининг 64 фоизи қишлоқ жойларида яшайди.
Ўзбекистон Республикаси Президенти И.А.Каримов таъкидлаганидек, ”Қишлоқ хўжалигини ислоҳ қилиш, фермер хўжаликларига бириктирилган ер участкаларини оптималлаштириш, пахта ва ғалланинг харид нархларини ошириш бўйича амалга оширилаётган изчил ишлар натижасида иқтисодиётимизнинг аграр секторида таркибий сифат ўзгаришлари юз бермоқда”1.