O`quv qo`llanma «5oliq tizimi» fanidan tasdiqlangan namunaviy dastur asosida yozilgan bo`lib, to`rt bo`limdan iborat. Har bir bo`limdan joy olgan mavzular mantiqiy ketma-ketlikda yoritib berilgan. Birinchi bo`limda soliqlarning umumiy nazariyasining elementar asoslari yoritib o`tilgan. Xususan, unda soliq tushunchasi, soliq siyosati, soliq mexanizmi, xorijiy mamlakatlarning soliq tizimi bayon etilgan. Ikkinchi bo`limda yuridik shaxslarning soliqlari va soliqqa tortish masalalari o`rganilgan. Unda yuridik shaxslarni soliqqa tortish tizimidagi mavjud soliqlar va ularni undirish mexanizmining amaldagi holati sodda va tushunarli ravishda yoritib berilgan. Uchinchi bo`limda soliq tizimidagi islohotlarning ustuvor yo`nalishi bo`lgan soliq solishning soddalashtirilgan tartibi mavzulari qamrab olingan. To`rtinchi bo`limda jismoniy shaxslarning soliqlari va soliqqa tortish tizimiga oid mavzular o`rin olgan.