Тадқиқотнинг мақсади. Тиллараро алоқанинг интенсив шакли бўлган интерференция ҳодисасининг лисоний табиати, кўптилли муҳит – билингвизм, трилингвизм (рус-ўзбек, тожик-ўзбек, тожик-ўзбек-рус) шароитда тил ўрганишни енгиллаштириш; тил ўқитишда, ўрганишда юзага келадиган интерференция билан боғлиқ хатоликларнинг олдини олиш ва тузатиш; кишиларда нутқ маданияти ҳамда сўзлашув одобини шакллантиришда интерференциянинг салбий оқибатларини камайтириш каби масалаларни ёритишдан иборат.