Тадқиқот мақсади. Ўзбекистон ҳудудида ўсувчи Polygonum coriarium Grig., Alhagi canescens (Regel) B. Keller & Shap., Alhagi persarum Boiss. & Buhse, Alhagi pseudalhagi (M. Bieb.) Desv. Ex Shap., Quercus robur L. ва Platanus orientalis L. ўсимликларининг фенол ва терпеноид бирикмаларини тадқиқ қилиш, ажратиб олиш, уларнинг кимёвий тузилиши ва фазовий конфигурациясини замонавий физик-кимёвий усуллар ёрдамида аниқлаш, адабиётларда маълум бўлган бирикмаларни идентификация қилиш ҳамда фармакологик хоссаларини аниқлаш ва улар асосида тиббиёт учун зарур дори воситасини яратишдан иборат.