Маълумки, АҚШнинг ҳозирги ҳудудида қадим вақтлардан буён индеецлар ва эскимослар яшаган. Кўпгина тарихчиларнинг тахминича, уларнинг ота-боболари бундан 20-25 минг йиллар олдин Осиёдан кўчиб келганлар. Х1-Х1У асрларда Шимолий Америкага асосан гренландиялик исландлар аҳён-аҳёнда сафар қилиб турганлар. 1492 йилда Колумб томонидан Америка кашф қилингач, орадан кўп ўтмай, аниқроғи, XVI асрдан бу қитъани Испания, Франция, Англия, Голландия давлатлари ўзларининг мустамлакасига айлантира бошладилар.