Aral boylarında qalg`an Shıg`ıs pechenegler usı jerde qalg`an (yag`nıy ha`zirgi Tu`rkmenstan, Đran, Turkiya jerlerine jılısıp ketpey qalg`an) oguzlar menen awqam du`zip ko`plegen siyasiy waqıyalarg`a qatnasadı. Shıg`ıs pecheneglerinin` «Qaraqalpaq» degen atamag`a iye bolıwı da, mine, usı da`wirlerge (yag`nıy VIII-XI a`sirlerge) tuwra keledi1. Al, endi Turkiyalı Ziya Kurter, qaraqalpaqlar VIII-X a`sirde Mavrennaxrda usı atı menen xalıq bolıp qa`liplesken, dep ko`rsetedi. «Mına so`zimde qa`te joq,-
dep jazadı ol, 495-567-jıllar arasında qaraqalpaqlardın` shıg`ıs Tu`rkstannan urısıp kelip, Mavrennaxrg`a qonıs basqanınan 3-4-a`sir keyin (VIII-X a`sirlerde-S.K) sol jerde o`z etnik formasına iye bolg`an (xalıq bolıp qa`liplesken S. K.)»2 Demek, qaraqalpaqlar o`zlerinin` ha`zirgi atamasın o`zlerinin` ata jurtında-Aral ha`m A`miwda`r`ya boylarında XI a`sirde-aq alg`an3.