Parrandachilik chorvachilikning salmoqli tarmog’i hisoblanadi. parranda mahsulotlari biologik qiymati, parxezligi, tez yetilishi, kimyoviy tarkibi, xazm bo’lishi va boshqalar qator xususiyatlari jixatidan muxim ahamiyatga ega. Tarixiy naqillarda aytilishicha “Parranda yetti xazinaning biridir” – bu ibora xozirgi kunda ham o’z mavqyeyini yo’qotgani yo’q. Demak parrandachilikning rivoji, ya’ni xalqimizning extiyojini parranda maxsulotlarini miqdoriy va sifat jixatlaridan a’lo darajadagi mahsulot bilan ta’minlash davr talabi hisoblanadi.
Parrandachilik iqtisodiy samarasi, yuksalishi, rivojlanishi mo’l-ko’l sifatli parranda maxsulotlarini yetkazish qator omillarga bog’liq. Ana shularning asosiylaridan biri albatta ularda uchraydigan yuqumli kasalliklarga barham berish, qarshi kurashish va sog’lomlashtirish tadbir-choralari turadi. Yuqumli kasalliklardan ko’pchiligi insonlarga infeksiyalangan ozuqa mahsulotlari go’sht, tuxum, kontaktda bo’lish orqali yuqadi.