Himoyalangan gruntda yetishtiriladigan pomidor nav va duragaylarining hosildorligiga yetishtirisn texnologiyasining ta’siri

Respublikamiz Prezidenti I.Karimov qishloqda yashovchi axolining yashash sharoitlarini yaxshilashga katta e’tibor berib shunday degan edi: «Maqsad – qishloq xo’jaligi sohasida ishlab chiqarish samaradorligini keskin oshirish, qishloqda yashayotgan halqimizning hayot darajasini ko’tarish, ular uchun munosib shart – sharoitlarni yaratishdan iborat bo’lmog’i kerak». Mamlakatimiz agrar siyosati qishloq xo’jaligi va qishloq infrastrukturasini barqaror rivojlantirish, ya’ni qishloqlarning ijtimoiy – iqtisodiy qiyofasini o’zgartirish, qishloq xo’jalik mahsulotlari yetishtirish hajmi va samaradorligini oshirish, tabiiy resurslardan oqilona foydalanish, qishloq aholisi bandligini ta’minlash va ularning turmush farovonligi darajasini ko’tarishga qaratilgan. Shu o’rinda axolini yilning barcha mavsumlarida yangi sabzavot maxsulotlari bilan ta’minlash imkoniga ega bo’lgan yopiq gruntga va unda yetishtiriladigan sabzavot ekinlari mahsulotlarini ko’paytirishga, sifatini yaxshilashga, mehnat unumdorligi oshirish, tannarxni pasaytirish va rentabellikni oshirish singari dolzarb masalalarga katta e’tibor berilib kelinmoqda. Himoyalangan grunt qishgi – baxorgi mavsumda sabzavotlar yetishtirishda muxim rol o’ynaydi. Oxirgi yillarda yopiq gruntda yetishtirishga katta axamiyat berildi.