Ma’lumki, tarixiy ahamiyatga ega bo’lgan O’zbekiston Respublikasi Oliy Majlisining 1-chaqiriq IX-sessiyasida I.A. Karimov hayotimizni hal qiluvchi muhim masalalar qatorida ta’lim-tarbiya tizimini tubdan o’zgartirish, uni zamon darajasiga ko’tarish, barkamol avlodimiz kelajagiga dahldor qonunlar loyihasi ustida batafsil to’xtalib o’tdi. Mustaqil respublikamiz rivoji, taraqqiy etishi eng ilg’or davlatlar safida bo’lishi uchun ya’ni bugungi jamiyatimiz oldiga qo’ygan buyuk maqsadlarga ezgu niyatlarga erishish, jamiyatimizni yangilanishi, hayotimizning taraqqiyoti va istiqbolli amalga oshirilayotgan islohotlar taqdiri ko’p jihatdan zamon talablariga javob beradigan yuqori malakali, ongli mutaxassis kadrlar tayyorlash muammosi bilan chambarchas bog’liq.