Тадқиқотнинг мақсади Қашқадарё вилоятининг табиий шароити ноқулай (шамол эррозиясига учраган) чўл ҳудудларининг суғориладиган бўз-ўтлоқи тупроқлари шароитида кузги буғдойнинг «Чиллаки» навини экиш муддатлари ва маъдан ўғитлар билан озиқлантиришнинг дон ҳосили ҳамда сифатига таъсирини ишлаб чиқишдан иборат.

АСЕАНнинг Осиё-Тинч океани минтақасида халқаро муносабатлар тизимидаги ўзига хос хусусиятларини очиб бериш фаолиятидаги ижобий тажрибани Марказий Осиёда интеграцион жараёнларни амалга оширишда қўллашга йўналтирилган илмий–амалий таклифларни ишлаб чиқиш.

Жаҳон халқлари тараққиётининг шиддат билан ривожланиб бориши ҳар бир даврда муайян ғоя ва мафкуралар асос бўлиб келган. Бу ғоя ва мафкуралар бугунги кунда геополитик, геомафкуравий ва панғояларнинг таъсирида зиддиятли, конфликтоген омилларни вужудга келтирмоқда. Шу боис мавжуд этносиёсий муаммоларни глобал миқёсда чуқурлаштирмаслик, миллий-этник интеграцияни амалга ошириш, полиэтник жамиятлардаги социал вазиятларни нормаллаштириш, миллатлараро тотувликни таъминлаш учун миллий ғоянинг институционал тизим сифатидаги ўрнини мустаҳкамлаш масалаларини ижтимоий-фалсафий жиҳатдан таҳлил қилиш долзарб аҳамият касб этмоқда.

Ўзбекистон Республикасида суғурта бозорининг профессионал иштирокчилари томонидан кўрсатиладиган хизматларни фуқаролик-ҳуқуқий тартибга солиш тизимини такомиллаштириш бўйича умумназарий хулосалар ва қонунчиликни ривожлантиришга қаратилган тавсиялар ишлаб чиқиш.

Терроризмга қарши курашнинг криминалистик жиҳатларини такомиллаштиришга қаратилган таклиф ва тавсиялар ишлаб чиқиш.

XX аср бошлари ўзбек матншунослиги ва манбашунослигида Фитратнинг матншунос ва манбашунос сифатидаги маҳоратини очиб бериш.

Жаҳон тилшунослигида компьютер ва корпус лингвистикаси муаммоларини ўрганиш ХХ асрнинг 40-йилларида бошланиб, бу соҳада дастлабки илмий фаразлар айтилди. Хусусан, ўтган асрнинг 60-йилларида мазкур жараён жадаллашди, XXI аср бошларида ўзида миллионлаб сўзларни акс эттирувчи юзлаб тил корпуслар пайдо бўлди. Сунъий интеллектнинг автоматик таржима, компьютер таҳлили, таҳрири, тезаурус, электрон луғат сингари имкониятлари кенгайди, илмий-назарий асослари яратилди, амалиётда қўллаш мумкин бўлган илк намуналари қўлланила бошлади. Фандаги бу янгиланишлар ахборот технологияларини тилшуносликка татбиқ этиш билан боғлиқ истиқболли илмий йўналишлар пайдо бўлишига йўл очди. Бу эса корпус, корпус лингвистикаси, унинг шаклланиши, тараққиёти, бугунги ҳолати ва корпус тузишнинг умумий тамойилларини ўрганиш заруратини ҳамда мавзу долзарблигини белгилаб беради.

Жаҳон лингвистика фанида тилнинг муайян ҳолатида унинг илк системавий илдизлари қайтарзда ривожланганлиги, функционал имкониятларининг ўзгариши, хусусан, сўз туркумларининг иккиламчи вазифаси масалалари бўйича кўплаб тадқиқотлар амалга оширилган. Бу мавзунинг тадқиқи, айниқса, сунъий интеллект учун табиий тилни моделлаштириш ва дастурлаштиришда тил ва унинг энг муҳим сатҳларидан бўлган сўз туркумларининг функционал қийматини амалий ва татбиқий мақсадларда очиб бериш муҳимдир.

Тадқиқотнинг мақсади бозор муносабатлари ривожланиши шароитида қишлоқ хўжалиги маҳсулотлари, агроресурслар ва агрохизматлар бозорларини ривожлантиришнинг илмий-амалий асосларини такомиллаштириш бўйича илмий асосланган таклиф ва тавсиялар ишлаб чиқишдан иборат.

Тадқиқотнинг мақсади бўлажак касб таълими педагогларини педагогик ижодиётга тайёрлаш жараёнининг илмий-методик асосларини такомиллаштиришдан иборат

Жаҳон соғлиқни сақлаш ташкилотининг маълумотига кўра, «дунёда қандли диабет (ҚД) билан касалланганларнинг сони 1980 йилдаги 108 миллиондан 2014 йилга келиб 422 миллионгача ошган. Мутахассисларнинг ҳисоблашича, бу ҳар йили ҚД билан тўғридан-тўғри боғлиқ бўлган 1,5 млн. одам ўлими қайд этилади, яна 2,2 млн. ўлим ҳолати эса қондаги юқори глюкоза миқдорига боғлиқ бўлган» . Даволашдаги баъзи ютуқларга қарамасдан, ҚД касаллиги пандемияга айланиб қолган энг муҳим касалликлардан бири, деб тан олинган. Касалланиш геометрик прогрессияда кўпаймоқда.

Тадқиқотнинг мақсади касб таълими ўқитувчиларини тайёрлаш жараёнида техник фикрлаш кўникмасини шакллантириш методикасини такомиллаштиришдан иборат.

ПГ билан беморларда иккиламчи веналар қўлланилган марказий парциал спленоренал шунтлаш натижаларини яхшилаш мақсадида портокавал ҳавза қон томирлари вариантли анатомияси ва гистоструктураси хусусиятларини ўрганиш

Жаҳонда фуқаролик жамиятини шакллантириш тадрижий давом этаётган, узлуксиз ва мураккаб жараён бўлиб, бунда нодавлат нотижорат ташкилотларнинг (ННТ) ижтимоий-сиёсий, социал-иқтисодий ислоҳотларни амалга оширишдаги роли ва аҳамияти тобора ортиб бормоқда. Айниқса, ижтимоий соҳада ННТларнинг самарали фаолиятини ташкил қилиш, мувофиқлаштириш ва бошқариш сиёсатшуносликнинг долзарб муаммоларидан биридир.

Ташқи электромагнит майдон мавжудлигида айланувчи қора ўралар атрофидаги юқори энергетик жараёнларни, космик цензура гипотезасини текширишда ҳодисалар горизонти бузилиш жараёнининг динамикасини, зарядланган зарраларнинг изочастотали айниган айланма орбиталари жараёнини тушунтирувчи назарий формализмларни ривожлантириш.

Дунёда замонавий тиббиёт ва фармакологиянинг долзарб муаммоларидан бири хавфли ўсмаларга қарши янги бирикмаларни излашдан иборат. Ҳозирги вақтда экспериментал ва клиник онкологияда саратон касалликларини даволаш учун канцеролитик ва ўсмага қарши кенг турдаги препаратлар мавжуд, уларнинг кўпчилиги учун аҳамиятли бўлган камчилик соғлом тўқималар ва тана аъзолари учун юқори заҳарли эканлигидир. Инфекция қўзғатувчиларининг мавжуд микробга қарши дори воситаларига нисбатан чидамлилигининг ортиб бораётганлиги янги антибактериал ва замбуруғларга қарши бирикмаларни аниқлашни тақозо этади.

Тадқиқотнинг мақсади метаболик синдром асосида сурункали юрак етишмовчилиги бўлган беморларда кардиоваскулар ва кардиоренал ўзаро алоқаларининг ўзига ҳослигини аниқлаш, шунингдек метаболик синдром асосида келган юрак етишмовчилигининг самарадорли фармакотерапиясини ишлаб чиқишдан иборат.

Антиаритмин ва дигидроатизин гидрохлориди дори воситалари субстанцияларини ишлаб чиқариш технологияларини ишлаб чиқиш.

Cuscuta europeae ўсимлигидан лектинсимон гликопротеидларни ажратиш, тафсифлаш ва Акат, В-16, КМЛ, HeLa, C-127, U-937 ҳужайра культураси моделларида цитотоксик фаоллигини аниқлаш.

«Театр ва ОАВ» коммуникатив тизимини театр, ОАВ, аудиториянинг яхлитлиги ва ўзаро таъсири сифатида тавсифлаш ҳамда уни ҳозирги давр ўзбек театр санъати ва маданиятини ривожлантиришдаги аҳамиятини аниқлашдан иборат.