Бугунги кунда дунёда экологик ва антропоген омиллар таъсирида ҳайвонларнинг асосий цестодозларидан бири ҳисобланган эхинококкоз касаллиги дунёнинг 100 дан ортиқ давлатларида глобал тарзда тарқалган бўлиб, эпизотологик ва эпидемиологик аҳамият касб этувчи жуда хавфли касаллик ҳисобланади . Эхинококкоз билан АҚШ шароитидаги қўйларнинг 9,8%-и, итларнинг 11,3% -и, Россиянинг Марказий Кавказ регионида, мос ҳолда, 35-50 ва 25-100%-и, Қозоғистонда- 33,1 ва 68,7%-и, Ўзбекистонда 15,8 ва 20 %-и зарарланган.