Tabiatda o’simliklar ustida kuzatish olib borish, ulardan gerbariy yig’ish, rasmiylashtirish orqali o’simliklar dunyosi bilan samarali va qiziqarli tanishish imkonini beradi. Hatto, hech qaysi rasm ham, og’zaki va yozma tavsif ham qog’oz varag’ida yaxshi quritilgan tabiiy o’simlik o’rnini bosa olmaydi. Shunday ilmiy nomlari bilan to’g’ri to’ldirilgan yorlig’i bor yaxshi quritilgan gerbariy namunasini tarixiy hujjat bilan tenglashtirish mumkin. Hozirda gerbariylar tayyorlash metodikasi ancha boyib bormoqda va ulardan botanikaning turli sohalarida foydalanilmoqda. Shuningdek, gerbariy yorliqlarida (etiketka) o’simlikning tur va turkumi, oilasi, geografik tarqalishi va o’sish sharoiti haqidagi ma’lumotlar ham kiritila boshlandi.