Ta’lim texnologiyalari

Ushbu darslik ta’lim tizimida zamonaviy ta’lim texnologiyalaridan foydalanish, o`quv jarayonida treninglar, yakka tartibda, juftlikda, kichik guruhlar va jamoada ishlashni tashkil qilgan holda ilg`or ta’lim metodlarini amaliyotga joriy qilish hamda pedagogik jarayonga yangicha yondashuv masalalariga bag`ishlangan. Darslik materiallarida o`qituvchilarda global tafakkur, kompetentlik, professionallikni shakllantirish, nazariy va amaliy mashg`ulotlar, mustaqil ta’lim turlari bo`yicha bilim, ko`nikma va malakalarni rivojlantirish, ulardan o`z pedagogik faoliyatlarida samarali foydalanishlarini ta’minlash ko`zda tutilgan. Darslik Qishloq xo`jaligi oliy ta’lim muassasalarining kasb ta’lim yo`nalishlari, Oliy o`quv yurtlarining bakalavriat talabalari, stajyor tadqiqotchilari, izlanuvchilar, mustaqil ilmiy-tadqiqotchilar, shuningdek, Oliy va o`rta maxsus ta’lim muassasalarida faoliyat ko`rsatayotgan o`qituvchilarga mo`ljallangan.