Mamlakatimizda hozirgi kunda energetika resurslari ishlab chiqarish hajmi ichki talabdan 15–20 foizdan ortiqni tashkil qillishiga qaramasdan undagi defitsiti etkazib berish bilan bog`liq bo`lib qolmoqda. So`ngi vaqtlardagi elektr energiyasiga bo`lgan talabning ortib borishi va uni dasht va cho`l zonalariga uzluksiz etkazib berish bir muncha muammolarni keltirib chiqarib etishtirilayotgan qishloq xo`jaligi mahsulotlari tannarxi va sifatiga o`z ta’siri ko`rsatmoqda. Sanoat tarmoqlariga “yashil iqtisodiyot” tizimini joriy qilish, innovatsion taraqqiyotni jadallashtirish, tabiiy resurslardan oqilona foydalanishga qaratilishi ijtimoiy-iqtisodiy rivojlanishning muhim omili bo`lgan energetika tizimini modernizatsiya qilish, zamonaviy texnologiyalarni tatbiq etish, energiya hosil qilishning muqobil manbalaridan kengroq foydalanish talabini qo`ymoqda.