Qashqadaryo dostonchilik maktabining yirik vakillaridan biri taniqli baxshi-shoir Qodir Rahimovdan “Jorxun Maston”, “Oysuluv”, “Kelinoy yoki Norguloy” kabi dostonlar olklorshunos olimlar Abdumo`min Qahhorov va Abduolim Ergashevlar tomonidan yozib olinib nashr ettirilgan. Ushbu dostonlarning til xususiyatlari filologiya ilmida haligacha tadqiq etilmagan. Taniqli baxshining dostonlari tilini, shu jumladan, dostonlar tilida qo`llangan onomastik birliklarni o`rganish o`zbek tilshunosligi oldida turgan muhim masalalar sirasiga kiradi. Quyida baxshining “Kelinoy yoki Norguloy” dostoni matni tilida uchragan kishi nomlari, ya`ni antroponimlarning ayrim xusiyatlari haqida so`z yuritishga harakat qilamiz.