Маънавий мерос ва халқ анъаналарини ҳаётга жорий этиш орқали шахсни шакллантиришда асосий воситалардан бири музейлардир. Жамият ва табиатдаги ҳодисаларнинг яққол намунаси бўлган музейлар маданият ва санъат ёдгорликлари инсонни унинг барча ижодий муваффақиятлари, маънавий етуклиги билан ошно этади. Ўзбекистонда музейлар фаолиятини янада такомиллаштириш, айниқса, ёшлар ақли заковатида миллий ифтихор туйғуларини ошириш йўлида кўламли фойдаланиш, фаолият юритаётган музейларни замон талабларига мос, билимли ва юқори малакали ходимлар билан таъминлаш, уларнинг моддий-теҳника базасини мустаҳкамлаб, жаҳон музейшунослиги тажрибаларидан фойдаланиб, зарур шарт-шароитлар билан музейлар такомилини қайта ташкил этишнинг асосий йўналишларини белгилаш жуда муҳим.