Biz bilamizki Buyuk ipak yo’lining savdo aloqalari, rivoji, qolaversa turli mamlakatlarning ijtimoiy-iqtisodiy hayoti va madaniyatiga ta’siri hamda xalqlar do’stligining uzilmas rishtalari keng miqyosda barqarorligi va aholining farovon yashagan damlari Amir Temur va temuriylar davriga to’g’ri keladi. Buyuk bobokolonimiz Sohibqiron Amir Temur barpo etgan adolat poydevori ustiga qurilgan davlatning siyosati, ijtimoiy hayoti, aholining to’kin-sochinlikda yashashi, ayniqsa qo’li gul hunarmand ustalarning mohirona yaratgan nodir san’at asarlari, hamda ilm-fan rivojiga hissa qo’shgan allomalarning dong’i butun dunyoga ovoza bo’lgandi. Bu davlatning Buyuk ipak yo’li chorrahasida joylashgani esa savdo-sotiq aloqalari gurkirab yashnagan, rivoj topgan markaz ekanligidan ham dalolat beradi.