Госсипол сирка кислота (ГСК-3) си кумуш ионини спектрофотометрик аниқлашда аналитик реагент сифатида қўлланилди. Кумушнинг Госсипол сирка кислота (ГСК-3) си билан комплекс бирикмаси эритмада ҳосил қилинди. Госсипол сирка кислота (ГСК-3) реагентининг кумуш метали билан комплексининг ҳосил бўлиши оптимал шароитлари: нур ютиш максимуми, эритма pH и, реагент миқдори, оптик зичликнинг буфер эритма таркибига боғлиқлиги, вақтга нисбатан барқарорлиги ва қуйилиш тартиби ўрганилди, ҳосил бўлган комплекс бирикманинг таркибини икки хил методда: моллар нисбатини таққослаш ва тўйинтириш методлари ёрдамида аниқланди. Нур ютилиши қонунига бўйсуниш соҳаси, шунингдек, аниқлашнинг қуйи чегараси ва спектрофотометрик реакциянинг Сендел бўйича сезгирлиги ҳисобланди. Аналитик реагентнинг танлаб таъсир этувчанлиги қатор металл ионлари ва анионлар иштирокида ўрганилди, ишлаб чиқилган методнинг тўғрилиги ва қайта тикланувчанлиги “киритилди-топилди“ усули ва сунъий аралашмалар анализи орқали тадқиқ қилинди.