Дунё миқёсида пектин озиқ-овқат, фармацевтика, текстил, полиграфия, тиббиёт, геология ва бошқа соҳаларда кенг миқёсда қўлланилади. Пектиндан озиқ-овқат саноатида қатор маҳсулотлар ишлаб чиқаришда дирилдоқ структура ҳосил қилиш мақсадида фойдаланилади. Пектин ишлаб чиқариш технологиясини такомиллаштириш, янги хомашё турини яратиш, олинган пектинларнинг асосий ишлатилиши соҳасини кенгайтириш, экологик тоза ҳолатда олиш, чиқиндисиз самарали технологияларини яратишга алоҳида эътибор қаратилмоқда.