Энергия ва ресурсларни тежаш - кўплаб мамлакатларнинг замонавий ишлаб чиқариш ва давлат сиёсатидаги муҳим вазифалардан биридир. Кўпгина мутахассислар ва экспертларнинг таъкидлашича, ўзбекистондаги корхона ва ташкилотларнинг рақобатбардошлигини ошириш, маҳсулот сифатини яхшилаш ва атроф-муҳитга чиқадиган зарарли иссиқхона газларини камайтириш учун, мунтазам равишда энергия тежамкорлиги ва самарадорлигини ошириш соҳасида замонавий лойиҳаларни амалга ошириш лозим. Бу борада ривожланган давлатлар тажрибасига таянган ҳолда замонавий энергетик менеджмент тизими асосида, корхона ва ташкилотларда энергия истеъмоли устидан назорат ўрнатиш ва мунтазам таҳлил килиш сезиларли даражада самара бермоқда [3].