Мамлакатимизда ҳам таълим жараёнида илғор хорижий тажрибаларни танқидий ўрганиш ва ижодий фойдаланишга катта эътибор берилмоқда. Ўзбекистон Республикасини янада ривожлантириш бўйича Ҳаракатлар стратегиясида «чет тиллар, информатика ҳамда математика, физика, кимё, биология каби бошқа муҳим ва талаб юқори бўлган фанларни чуқурлаштирилган тарзда ўрганиш» вазифаси белгиланиб, унга мос «академик лицейларда ўқитиш сифатини тубдан ўзгартириш, битирувчиларнинг олий таълим муассасаларига кириш кўрсаткичларини кескин ошириш» устувор вазифа этиб белгиланган. Бундан «академик лицей – университет (олий таълим муассасаси)» тизимида математика фанини ўқитишда узвийликни таъминлаш методикасини ҳар бир олий таълим муассасаларининг хусусиятларини ҳисобга олиш ҳамда олий таълим муассасалари томонидан абитуриентларнинг билимига, малака, кўникмаларига, таянч ва предмет компетенцияларига қўйиладиган талабларга академик лицейда математикани ўқитиш жараёнида эришиш орқали такомиллаштириш долзарб аҳамият касб этади.