Insonning hayot tarzida eng muhim tarkibiy vosita bo’lgan muloqot, har qanday kasbiy faoliyatning barcha turlarida mavjud. Biroq bir qator kasb egalarida chunonchi (pedagoglar, shifokorlar, san’atkorlar va hokazo) u kasbiy faoliyatga shunchaki hamroh bo’lgan oddiy omil emas, balki kasbiy ahamiyat kasb etadigan, uning asosini tashkil etadigan muhim kategoriya sanaladi. Bu holda muloqot insonlar o’rtasidagi odatiy o’zaro hamkorlik shakli emas, balki kasbiy faoliyatning muvaffaqiyatini ta’min¬lovchi kategoriya sifatida mavjuddir.