Neft, gaz va gazkondensat konlarini so`nggi bosqichda ishlatilayotganligi sababli, qazib olish ko`rsatgichi pasayib ketmoqda, burg`ilash jarayonini olib borishda va mahsuldor qatlamlarni ochishda murakkabliklarning paydo bo`lishi kuzatiladi. Bunday shariotda anomal past bosimli qatlamda burg`ilash ishlarini olib borish va mahsuldor qatlamlarni sifatli ochilishini ta’minlashda optimal burg`ilash rejimidan foydalanish hamda yangi texnologiyalardan foydalanish zarurdir.
Dissertatsiya ishida neft va gaz konlarida anomal past bosimli qatlam sharoitida burg`ilash ishlarini olib borishda mahsuldor qatlamning filtratsiya-sig`imdorlik xossalarini saqlab qolish, yangi texnologiyalardan foydalanish, mahsuldor qatlamni ochishda qo`llaniladigan burg`ilash eritmalarining xossalari va tarkibi tahlil qilingan, quduqlarni samarali yuvish va mahsuldor qatlamni burg`ilab ochishda qo`llaniladigan sirkulyatsion yuvish tizimining ahamiyati o`rganib chiqilgan.