Ўзбекистон Республикаси «Таълим тўғрисида»ги ва «Кадрлар тайёрлаш миллий дастури»ни бажариш кўп босқичли ўқув тизимига ўтиш, малакали бакалаврлар ва магистрлар тайёрлаш олий ва ўрта таълим тизимида ишлаётган профессор-ўқитувчилар зиммасига улкан масъулиятли вазифалар юклайди. Бундай вазифалардан бири талабалар «Жисмоний тарбия ва жисмоний маданият» таълим йўналишининг «Мутахассисликка кириш» фани бўйича зарур билим ва малакага эга бўлишларини таъминлашдир. Маълумки, талабаларнинг «Мутахассисликка кириш» фани материалларини ўрганишда иҳтисослик фанлари бўйича олган билим, малака ва кўникмаларини оширади. «Мутахассисликка кириш» фани жисмоний тарбия ва спортнинг моҳиятини, унинг касбий фаолиятида тутган ўрнини, педагогик бошқариш хусусиятларини, инсоннинг жисмоний тарбия ва спортга бўлган эҳтиёжлари каби масалаларни ёритишга хизмат қилади.