Keyingi yillarda iqlim isishi natijasida suvning taqchilligi yanada oshib borishi gidrologik prognozlarda qayd etilmoqda. Uzoqroq davrlarga byerilgan prognozlar ham ancha xavfli. Misol uchun, Uzgidrometning eng xavfli bashoratlariga qaraganda 2030-2080 yillarda Namangan viloyatiga suv beruvchi daryolar - Podshootasoy suvi 20-30 foizgacha, CHodaksoy va G’ovasoylarning suvi esa 40-50 foizgacha kamayishi mumkin. Kuzatuv natijalariga asoslangan ma’lumotlar analizi ko’rsatishicha iqlim isishi davri hisoblangan 1975-2005 yillarda oldingi 30 yillikka nisbatan Namangan viloyatiga suv beruvchi daryolarning suvi 13-18 foizga kamaygan Demak suv taqchilligi holati yuzaga kelish ehtimoli mavjud. Bundan tashqari Amudaryo va Sirdaryoning bahor va yozda suvi ko’p, kuz va qishda kam bo’lgan tabiiy gidrologik rejimi ularning yuqori qismlarida yirik gidroenyergetik inshootlar qurilishi orqasida keskin buzilib, yil davomida bir hil bo’lib qolmoqda.