Veterinariya sohasida davlat boshqaruvi tizimini tubdan takomillashtirish, hayvonlarning sog`ligini saqlash bo`yicha samarali ishlarni tashkil etish, davlat veterinariya nazoratini kuchaytirish va veterinariya servisi sifatini oshirish, epizootik osoyishtalikni va oziq-ovqat mahsulotlari xavfsizligini ta’minlash, ichki va tashqi bozorlarda talab yuqori bo`lgan raqobatbardosh va kelib chiqishi hayvonotga mansub mahsulotlarni ishlab chiqarish uchun qulay shart-sharoitlar yaratish, veterinariya xizmati tizimini yanada rivojlantirish maqsadida “Davlat veterinariya qo`mitasi” tashkil etildi.
Bugungi kunda veterinariya sohasida yuksak malakali kadrlar tayyorlash hamda mavjud ta’lim muassasalarining moddiy-texnik bazasini mustaxkamlash borasida o`z yechimini kutayotgan dolzarb muammolar va kamchiliklar saqlanib qolmoqda.
Veterinariya sohasi uchun yuqori malakali mutaxassislarni tayyorlash sifatini yanada takomillashtirish maqsadida O`zbekiston Respublikasi Prezidentining 2018 yil 8-maydagi № PQ-3703-sonli Qaroriga asosan, Samarqand veterinariya meditsinasi instituti tashkil etildi.