Magistrlik dissertatsiyasi mavzusining asoslanishi va uning dolzarbligi. Respublikamiz aholisining parrandachilik maxsulotlariga bo`lgan talabini yanada yaxshiroq qondirish davlatimiz agrar siyosatining ustivor yo`nalishi hisoblanadi. Respublikamizda ishlab chiqarilayotgan parrandachilik mahsulotlarining miqdor va sifat ko`rsatkichlarini oshirish, ularning tannarxini arzonlashtirish dolzarb vazifa etib belgilangan.
Respublika Prezidentining 2006 yil 23- martdagi “Shaxsiy yordamchi, dehqon va fermer xo`jaliklarida chorva mollarni ko`paytirishni rag`batlantirish chora tadbirlari to`g`risida”gi farmoni, 2014 yil 21- apreldagi “Shaxsiy yordamchi, dehqon va fermer xo`jaliklarida chorva mollar ko`paytirishni rag`batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo`shimcha chora-tadbirlar to`g`risida”gi qarorlarida Respublikamizda chorvachilikni xususiy mulkchilik asosida jadal rivojlantirish va rentabelli sohalardan biriga aylantirish, aholi turmush darajasini oshirish, ichki bozorni go`sht, sut kabi hayotiy muhim oziq-ovqat mahsulotlari bilan barqaror to`ldirishning muhim omili sifatida rivojlantirishga katta e’tibor qaratilgan.