Hayvonlarning salomatligini va mamlakatimiz hududining sog’lomligini ta’minlashda yuqori malakali va yuqori iqtisodiy samara beruvchi veterinariya xizmatini tashkil etish hamda uni amalga oshirish muhim ahamiyat kasb etadi.
Respublikamiz birinchi Prezidenti I.A.Karimov har doim qishloq xo’jaligini rivojlantirishga katta ahamiyat bermoqda, respublika aholisini chorva mahsulotlariga bo’lgan ehtiyojini qondirish maqsadida, chorvachilikning barcha sohalarini rivojlantirish maqsadga muvofiq deb hisoblaydilar.
Mamlakatimiz ishlab chiqarish va intellektual salohiyatining yarmidan ortig’i muayyan tarzda bevosita qishloq xo’jaligi bilan bog’liq. Qishloq xo’jalik mahsuloti mamlakatda valyuta tushumlarining 55 foizidan ortig’ini ta’minlaydigan muhim eksport manbalaridan biri hisoblanadi. Bu masalaning iqtisodiy jihati. Ijtimoiy sohada esa mamlakatning qishloq joylarida istiqomat qiladigan aholisining katta qismining, butun Respublika aholisining turmush darajasi, uning moddiy farovonligi qishloq xo’jaligidagi ishlarning ahvoliga, uni rivojlantirish samaradorligiga bog’liq.