Мазкур курснинг асосий мақсади талабларга кишилик жамияти билан табиий муҳит ўртасидаги алоқаларни ечиб бериш, инсон ҳаётида, кишиларнинг меҳнат фаолиятида, хусусан инсоннинг табиат билан муносабатларида ҳал қилувчи омил бўлган табиий географик қонуниятлар билан таништиришдир. Шу билан бирга инсоннинг хўжалик фаолияти таъсирида табиатда рўй берадиган ўзгаришлар ҳақида ҳамда инсон меҳнат билан бунёд этилган табиий ҳудудий комплекслар тўғрисида билимлар ҳам берилади. Табиатдан фойдаланишнинг қонун-қоидалари тушунтирилади.
Маърузалар матнлари олий ўқув юртлари талабалари ва магистрларига мўлжалланган. Ундан ихтисослашган лицей ва коллежлар ўқувчилари, шунингдек, атроф-муҳит муҳофазаси масалаларига қизиқувчи барча фуқаролар фойдаланишлари мумкин.