O`zbekiston energetikasi xalq xo`jaligining asosiy soxasi bo`lib, respublikada iqtisodiy va texnika taraqqiyotining mustahkam poydevoridir.
Elektr energiyasini sanoat, transport va qishlok xo`jaligida aholining maishiy hamda madaniy maqsadlari uchun qo`llanilishi elektrlashtirish deyiladi. U mamlakat hayotida eng muhim ahamiyatga ega. Elektrlashtirish xalq xo`jaligining barcha sohalarini rivojlantirish, hozirgi zamon taraqqiyotini amalga oshirish uchun yetakchi omil hisoblanadi.
Elektrlashtirishning O`zbekistondagi rivoji sobiq sovet ittifoqi energetikasining rivojlanish tarixi bilan bog`liq.
1913 yilda O`zbekistondagi barcha elektr stansiyalarining quvvati 3ming kVt ga teng bo`lib, yiliga 3,3 mln kVt soat elektr energiyasi ishlab chiqarilar edi.