Бозор муносабатлари шароитида ҳар қандай корхона бошқа хўжалик субъектлари, молиявий муассасалар ва давлат бюджети билан ўзаро молиявий муносабатларни амалга оширади. Шу жиҳатдан, маъсулияти чекланган жамиятлар ва тадбиркорлик субъектлари фаолиятини жадал ривожлантиришда уларнинг банклар билан ўзаро иқтисодий муносабатлари ҳам муҳим аҳамият касб этади. Таъкидлаш жоизки, бугунги кунда мамлакатимизда хўжалик юритувчи субъекларнинг банклар билан ўзаро ҳамкорликлари, яъни ҳисоб-китобларни тўғри йўлга қуйилганлиги ўзининг ижобий натижаларини бермоқда ва банк тизимини эркинлаштириш юзасидан қатор ислоҳотлар амалга оширилиб келинмоқда.