Bugungi kunda respublika aholisini oziq-ovqat mahsulotlari bilan uzluksiz ta’minlash maqsadida mahsulot yetishtirish hajmi va turlarini ko`paytirish shuningdek, qishloq aholisini daromadlari va turmush darajasini yuksaltirishga alohida e’tibor qaratilmoqda.
Ayniqsa, 2017-2021 yillarda O`zbekiston Respublikasini rivojlantirish maqsadida beshta ustuvor yo`nalishi bo`yicha Harakatlar strategiyasi va bir qator qaror, farmonlar qabul qilindi.
Meva-sabzavot mahsulotlarini yetishtirish, agrotexnik tadbirlarini o`z muddatida sifatli qilib o`tkazish bo`yicha belgilangan hududiy chora-tadbirlar Dasturlarini bajarilishi natijasida bir qator ijobiy natijalarga erishilmoqda.
Respublika hududlarida meva-sabzavot, poliz, kartoshka va uzum mahsulotlarini ko`paytirish, agrotexnik tadbirlarni o`z muddatida o`tkazish, ulardan yuqori sifatli, eksportbop mahsulot yetishtirish bo`yicha ham tizimli ishlar olib borilmoqda.