Agrar tarmoqni iqtisodiyotning boshqa sohalaridan farqli jihati bo`lib, uning tarkibida moddiy resurslardan foydalanish, tirik organizmlar bilan doimiy munosabat, demografik holat, mehnat va ijtimoiy infratuzilmaning mavjudligi hisoblanadi. Boshqa xo`jalik tizimlari faoliyati agrar tarmoq kabi hududning ijtimoiy-iqtisodiy doirasi bilan chambarchas bog`lanmagan. O`z navbatida, qishloq hududlari aholisining ijtimoiy holati mazkur iqtisodiy resurslarga bo`lgan asosiy talablarni belgilaydi. Shundan kelib chiqib, agrar tarmoq doirasida fermer xo`jaliklarida asosiy tarmoq bilan birgalikda qo`shimcha tarmoq faoliyatini rivojlantirishda tashkiliy-iqtisodiy, ijtimoiy hamda huquqiy muammolarni birgalikda hal qilish maqsadga muvofiq.