Tilning o`z funksional-semantik imkoniyatlarini, turli ma’no nozikliklarini namoyon etishida badiiy ijod ahlining, xususan, shoir va yozuvchilarning xizmatlari beqiyosdir. Shu bois alohida olingan ijodkorlar individual uslubi, asarlarning lingvopoetik xususiyatlarini o`rganish ularning adabiy tilimiz rivojiga qo`shgan hissalarini belgilashda muhim ahamiyat kasb etadi.