Муҳокамаларда республика ҳудудларида шу бўйича бир қатор амалий ишлар олиб борилаётгани алоҳида қайд этилди. Таҳлилларга кўра, ҳозирги кунда мамлакатимизда 475 та наслчилик субъектида селекция-наслчилик ишлари юритилмоқда. Шуларга мос равишда Чорвачилик маҳсулотлари ишлаб чиқарувчилар ҳамда “Насл-хизмат” уюшмалари, “Ўзнаслчилик” корхонаси ва уларнинг ҳудудий бўлинмалари, “Чорва-насл-хизмат” масъулияти чекланган жамияти, туманларда наслчилик ишлари бўйича хизмат кўрсатувчи корхоналар ташкил этилган. Айни чоғда соҳада халқаро ҳамкорлик алоқалари ҳам равнақ топиб бормоқда.