Жаҳон миқёсида содир бўлаётган глобаллашув жараёнларининг иқлим ўзгаришлари, дунё аҳолисининг ижтимоий-иқтисодий ҳаёти, сиёсий ва экологик вазиятга таъсири кучайди. Айни пайтда, дунёда аҳоли сонининг кўпайиб бориши тоза ичимлик суви ва озиқ-овқат маҳсулотларига бўлган талабни тобора оширмоқда. Бу ўз навбатида ижтимоий-иқтисодий қийинчиликларни вужудга келтириб, аҳоли миграциясининг ортиб боришига сабаб бўлмоқда.