Bir o’zgaruvchining funksiyasi. O’zgaruvchi va o’zgarmas miqdorlar.

Inson o’z faoliyati davomida hajm, yuza, uzunlik, vaqt, bosim, harakat, tezlik, og’irlik kuchi, elektr tokining kuchi va hakozo kabi miqdorlarga duch keladi. Bu miqdorlar mazmun jihatidan turlicha bo’lsada ularning o’zlariga xos umumiylik tomoni ham bor bo’lib ularni o’lchash mumkinligidadir. Ularni o’lchash natijasida bu miqdorlarning son qiymatlari deb ataluvchi sonlar hosil bo’ladi. Bir xil miqdorlarni turli vaqtda va turli sharoitda o’lchansa uni sonli qiymati turlicha bo’lishi mumkin. Masalan avtomobil tezligi yo’lning har xil qismida yoki har xil vaqtda turlicha sonli qiymatlarga ega bo’ladi. Shuningdek yopiq idishdagi gazning bosimi ham har xil haroratda har xil bo’ladi. Istalgan qavariq ko’pburchakning tashqi burchaklari yig’indisi har qanday ko’pbuchak uchun o’zgarmas va 3600 ga teng. Bu misollardan ko’rinib turibdiki miqdorlar har xil son qiymatlarni qabul qilishi yoki faqat birgina sonli qiymatni qabul qilishi ham mumkin ekan. Har xil sonli qiymatlarni qabul qiladigan miqdorning o’zini o’zgaruvchi miqdor deb ataladi.