Jamiyat va davlat tushunchasi falsafiy ta’rif hisoblanadi. Jamiyat – shunchaki odamlar majmui emas. Ularni insonning har xil faoliyat turlari, avvalo, moddiy-ishlab chiqarish faoliyati yagona jamiyatga birlashtiradi. Jamiyat mazkur faoliyatni amalga oshirish shakli bo`lib xizmat qiladigan va turli ijtimoiy institutlarda mustahkamlab qo`yiladigan ijtimoiy munosabatlar, eng avvalo, ishlab chiqarish munosabatlari yig`indisi hisoblanadi.