Mustaqillik tufayli milliy tafakkurga keng yo`l ochilib, ijobiy o`zgarishlar qilindi. O`zbekistonda faylasuf va sotsiolog olimlar tamonidan jamiyat siyosiy hayoti, ijtimoiy munosabatlarida ro`y bergan o`zgarishlarni chuqur, mufassal yoritish hamda sotsiologiyaning ilg`or nazariy va amaliy tajribalaridan keng foydalanish asosida darslik, o`quv qo`llanmalari yaratilmoqda. Shu jumladan, sotsiologiyaning asosiy yo`nalishi “Shaxs va jamiyat” fanidan ham bir qator adabiyotlar yaratilgan bo`lib, ular kirill alifbosi asosida nashr etilgan.