Тадқиқотнинг илмий янгилиги. Олиб борилган тадқиқотлар натижасида Қашқадарё вилояти Косон тумани “Ўзбекистон” массиви тарқалган тупроқларнинг тарқалиши, ривожланиши, хосса ва хусусиятлари, суғориладиган деҳқончиликда фойдаланилганда ўзгариши, унумдорлик даражаси мукаммал ёритиб берилган. Суғориладиган деҳқончилик билан шуғулланадиган 17 та фермер хўжаликнинг 1:5000 миқёсли тупроқ-бонитировка харитаси тузилган. Ўрганилган тупроқлар 100-балли ёпиқ тизимда баҳоланган. Тупроқларнинг унумдорлигини баҳолашда янги такомиллаштирилган «Суғориладиган тупроқларни бонитировкалаш» услубий кўрсатмасидан фойдаланилган ҳолда, тупроқ унумдорлигини пасайтирувчи коэффициентлар апробациядан ўтказилган. Вилоят туманлари бўйича суғориладиган ер фондлари ва уларнинг ҳозирги ҳолати аниқланган.