Hozirda jahon bo’yicha, yuqori sifatli moylarga bo’lgan talab keskin oshib bormoqda. Samaradorlik va davomiylikni oshirish, shuningdek, chiqindilarni, avtomobil dvigatellarining ekspluatatsion qiymatini kamaytirish kabi talablarga javob beruvchi moylarga bo’lgan talabning oshishi to’xtovsiz ilmiy izlanishlarning rivojiga olib kelmoqda. O’zbekistonda neftni qazib olish va qayta ishlashda eng oxirgi texnologiyalarni qo’llash, qolaversa, moylar savdosi bo’yicha yuqori marralarga erishishda rivojlanishlar bo’lmoqda. Shuningdek, juda yuqori qovushqoqlik indeksi (JYQI) ga ega moylarga bo’lgan milliy talabning keyingi yillarda oshib borishi kutilmoqda.