Keyingi vaqtlarda biotexnologiya eng rivojlanib borayotgan soxalardan biri bo’lib kelmoqda. Ushbu texnologiya mikroorganizmlar faoliyati bilan uzviy bog’lanib, ular yordamida sanoat miqyosida turli qimmatbaxo mahsulotlar ishlab chiqarilmoqda. Biotexnologiya asosida farmasevtika (antibiotiklar, vitaminlar, aminokislotalar) va oziq-ovqat sanoatida (turli xildagi achitqilar, non, qatiq, spirt, pivo) qishloq xo’jaligida chorvachilik uchun oqsilga boy qo’shimcha ozuqa moddalar, metallurgiya va har-xil rangli metallarni tozalashda ekologiyada zararli ifloslantiruvchi mahsulotlarni tozalashda va boshqa soxalarda keng qo’llanilmoqda. Xalq xo’jaligi uchun zarur bo’lgan mahsulotlarni sifat va miqdori biotexnologik jarayonlarni asosini tashkil qiluvchi mikrooorganizmlarni faoliyatiga uzviy bog’liqdir. Shu sababli mikroorganizmlarni faoliyatini baxolash, nazorat qilish, optimal rejimlarni topish va boshqarish muhim masaladir.