Булғор қалампир поясини ишлов беришга тайёрлаш. Реакцияга киритилаётган қаттиқ модданинг осон бориши учун суюқлик билан контактда бўладиган юзасини ошириш лозим. Бу умумий кимё фанидан маълум. Булғор қалампир поясини пиширишга тайёрлаш учун дастлаб, ҳаво қуруқлигидаги намунанинг таркибий қисми аниқланди. Бунинг учун 6 туп булғор қалампири поясининг оғирлигини аниқлаб, сўнгра ўртача биттасининг оғирлиги ўртача арифметик қиймати олинди. Бир тупини морфологик таркиби: асосий танаси – 56,8%, шохчалари- 14,2 % ва барги миқдори – 30,0% аниқланди. Сўнгра танлаб олинган намуна поя 5-6 мм ўлчамларда қирқиб, лаборатория майдалагичида майдаланди.