Gazni qayta ishlash sohasida desorbtsiya jarayoni keng ishlatiladi. Suyuq yutuvchini regeneratsiyalash desorbtsiya jarayonida amalga oshiriladi, bunda kimyoviy birikmalar monodietanolamin (MDEA) va gazlargacha parchalanadi. Desorbsiya reaksiyasi issiqlikning yutilishi bilan boradi, bu jarayonning endotermikligini bildiradi. Desorber kolonnasida aminni bug`lash kolonnasi o`zgaruvchan kesimdagi kolonna turidagi vertikal silindrik apparat bo`lib, MDEA ning to`yingan eritmasidan nordon (kislotali) gazlarni desorbsiyalash (ajratib olish) uchun mo`ljallangan. Nordon (kislotali) gazlarni desorbsiyalash (ajratib olish), MDEA eritmasining temperaturasini ko`tarish hisobiga, uzluksiz amalga oshiriladi.