Kengayuvchi tuzilmali gil minerallari qat lamlari oraliqlarida joylashgan noorganik natriy kationlarni organik (alkilammoniy) kationlarga almashtirish orqali, ular asosida mikro-, mezog`ovakli hamda organofilligi yuqori, selektiv organoadsorbentlar olish mumkin. Metilammoniyli- va tetrametilammoniy montmorillonitlar Navbahor ishqoriy bentoniti 3.5% suvli suspenziyasiga metilammoniy gidroxlorid va tetrametilammoniy xlorid tuzlarining 0.02 M eritmalarini o`zaro aralashtirilib aminlanganmontmorillonitlar tayyorlandi. Suspenziyaning eritmaga nisbati 1:2,5 bo`lganda hamda harorat 40 0С da suspenziya flokulyasiyalanib, 24 soat o`tgandan so`ng to`liq ion almashinish reaksiyasi yuz beradi. Dispers faza, dispersion muhitdan sentrifuga yordamida ajratildi. Dispersion muhit xlor ioniga salbiy reaksiya kuzatilguncha distillangan suv bilan yuvildi, xona haroratida quritildi. Adabiyotlarda aminlanganbentonitlarning sanoat oqava suvlarni zaharli organik va radioaktiv moddalardan tozalashda, chiqindilarni uzoq muddatga saqlashda foydalanish mumkinligi ko`rsatilgan.