Ҳозирги ўзбек насри тараққиётига катта ҳисса қўшаётган ижодкорлардан бири Зулфия Қуролбой қизи бўлиб, сўнгги йилларда унинг бир қанча эътиборга сазовор асарлари юзага келди. Зулфия Қуролбой қизи ҳикоя ва романлари ўзбек адабиётида яратилган асарлар орасида ўзиинг қизиқарлилиги, таъсирчанлиги, ҳаёт ҳақиқати ва инсоний ҳарактерларни ишонарли гавдалантирганлиги ҳамда турмушнинг мураккаб муаммоларини дадил кўтариб чиққанлиги билан ажралиб туради.