Adabiyotda she’riy san’atlardan foydalanish shoir badiiy salohiyatini ko`z –ko`z qilish, uning xilma xil san’atlaridan mohirona foydalanish usullarini namoyish etish emas, balki ijodkor badiiy tafakkur dahosining ko`lami, yuksak ijtimoiy – axloqiy g`oyalarni jilolantirish san’atkorligi ifodasi bo`lib kelgan. Shuningdek, yaratilgan lirik she’rlardagi badiiy tasvir vositalari har bir kishiga orom beradi, ular insonlarga yoqimli kayfiyat, butun qiyinchiliklarni mahv etishga qodirdek kuch –qudrat bag`ishlaydi.