XX asr o`zbek xalqi tarixida ikkiyoqlama iz qoldirgan asr bo`ldi, desak, yanglishmaymiz. Negaki hayot tarozisida faqat ezgulik turgan taraf og`ir keladi, degan aqidaga ishonuvchi xalqimiz fojealar, qonli bosqinlar, ocharchilik kulfatlarini ko`rish barobarida dunyo hamjamiyati taraqqiyotiga munosib hissa qo`sha olgan yetuk insonlar, xususan, millatsevar va erkparvar adabiyot kishilarini yetishtirib berdi.