Инсон фаровонлиги, уйғунликда ривожланиши, ва шахс манфаатларини рўёбга чиқариш учун шарт-шароитларни ҳамда амалий механизмларини яратиш шунингдек қулай экологик шароитларни таъминлаш, Ўзбекистон Республикасида амалга оширилаётган ислоҳатларнинг бош мақсади ва харакатлантирувчи кучига айланди. Экологик хавфсизликнинг мукаммал тизимини яратиш халқаро ҳуқуқ асослари тажрибаларини, замонавий фан, техника ва технология ютуқларини инобатга олган ҳолда амалга оширилмоқда, бунинг барчаси Ўзбекистон Республикаси миллий хавфсизлигининг асосий шартларидан бири ҳисобланади.