O`zbekiston mustaqillikka erishgan vaqtdan boshlab Vatanimiz tinchligi, gullab yashnashi va xalqimiz farovonligiga erishish yo`lida ijtimoiy-siyosiy, ijtimoiy-iqtisodiy yangilanish va bunyodkorlik strategiyasi izchil amalga oshirib kelinmoqda. Ijtimoiy yo`naltirilgan bozor iqtisodi, mustaqil O`zbekistonning davlat va jamiyat qurilishi tizimi bosqichma-bosqich rivojlanmoqda. Ijtimoiy-iqtisodiy islohotlar, kuchli ijtimoiy siyosat natijasida aholining real daromadlari va farovonligi uzluksiz oshib bormoqda.